Waxaa jiray nin injineer ahaa oo shaqo la’aan ku dhacday. Wuxuu ku fikiray oo ogaaday in boosaska dhakhaatiirta ay shaqooyin ka bannaan yihiin.
Sidaas darteed, isla markiiba meel yar ayuu ka furay, isagoo ku qoray boor weyn: “Haddii aanan xanuunkaaga daweyn karin, 1000 doollar ayaan ku siinaysaa. Hase ahaatee, haddii aan ku daweeyo, 500 doollar oo kaliya ayaad kaan qaadayaa.”
Wiil dhalinyaro ah oo jaamacadda caafimaadka dhiganaya, markuu arkay boorka, ayuu is yiri waa fursad dahabi ah oo lacag fudud lagu heli karo, wuuna galay.
Markuu gudaha u galay, wuxuu u sheegay injineerka ee iska dhigaya dhakhtarka, “Waan xanuunsanahay, waxna ma dhadhamin karo.”
Injineerku wuxuu u yeeray kalkaalisadiisa, wuxuuna ku amray inay keento daawada lambarka 23. Kadib, laba dhibcood oo fur ah ayuu ku shubay oo ku yiri, “Cab.”
Wiilkii markuu hal mar cabay ayuu isla markiiba tufay oo yiri, “War kani waa shidaal! Ma i dileesaa?”
Injineerku ku jawaabay, “Hambalyo, dhadhankaagii waan kuu soo celiyay. Fadlan, keen 500 doollar.”
Wiilkii, isagoo caraysan uu lacagtii bixiyay, misana niyadda iska yiri, “Berrito ayaan kaaga aargoosan doonaa.”
Maalintii xigtay ayuu soo laabtay, isagoo leh, “Xasuustaydii ayaa iga luntay, waxna xasuusan maayo.”
Injineerku wuxuu ugu jawaabay, “Wax dhib ah malaha,” isagoo mar kale u yeeray kalkaalisadii oo ku amray inay keento daawadii lambarka 23.
Wiilkii markuu arkay ayuu isla markiiba gartay oo yiri, “Kan waa kii shalay oo shidaalka ahaa!”
Injineerku yiri, “Oo hagaag, xusuustaadii waan kuu soo celiyay. Fadlan, bixi 500 doollar.”
Wiilkii, isagoo aad u xanaaqsan, lacagtii bixiyay, ayaa hadana hoos iska yiri, “Berrito waan kaa guuleysan doonaa.”
Maalinta ku xigtay ayuu mar kale soo noqday, isagoo leh, “Waxba ma arki karo, araggaygii baa iga lumay.”
Injineerku wuxuu ku jawaabay, “Aad baan uga xumahay taas, laakiin waxaan kuu hayaa 1000 doollar sida ballanta ahayd.”
Wiilkii, isagoo faraxsan. Injineerku wuxuu ka soo saaray boorsadiisa labo shilin oo 5 doollar ah, kadibna wuxuu siiyay wiilkii.
Wiilkii oo yaaban ayaa yiri, “Waa maxay tan? Waa 5 doollar oo kaliya!”
Injineerku ku jawaabay, “Hambalyo, indhahaaga waan ku daweeyay. Hadda, 500 doollar kaliya iska bixi.”
Kkkkkkkkkkkkkkkkkkkkkkkk
